पूर्वी नेपालको झापास्थित भूटानी शरणार्थी शिविर बेलडाँगीमा रूखले थिचेर एक नाबालिकाको मृत्यु भएको छ भने उनकी आमा घाइते भएकी छिन् ।
शनिवार बेलुकी ९ बजेतिर आएको हावाहुरीका कारण रूखले थिचेर बेलडाँगी–२ सेक्टर बी–वान छाप्रो नम्बर ९७ बस्दै आएकी चार वर्षीया एलिना राईको मृत्यु भएको इलाका प्रहरी कार्यालय दमकले जनाएको छ ।
घाइते ३५ वर्षीया मनमाया राईको भने धरानस्थित बिपी कोइराला स्वास्थ्य विज्ञान प्रतिष्ठानमा उपचार भइरहेको जनाइएको छ ।
