साहित्यप्रेमी भूटानी युवाहरूबाट गठित झकास समूहले वार्षिक रूपमा प्रदान गर्दै आएको यो वर्षको ‘झकास अन्तराष्ट्रिय पुरस्कार’ भारतीय साहित्यकार विमल राईलाई प्रदान गरेको छ ।
पुरस्कार गत आइतबार झापाको दमकमा आयोजना गरिएको एउटा कार्यक्रममाझ साहित्यकार गणेश रसिक, संगीतकार मणीकमल क्षेत्री र गीतकार एलपी जोसीबाट संयुक्त रूपमा साहित्यकार राईलाई प्रदान गरिएको हो ।
ताम्रपत्र र १६ हजार रूपैयाँको सो पुरस्कार सन् २०१० बाट झकास समूहले प्रदान गर्दै आएको छ । उक्त पुरस्कारबाट साहित्यकारहरू याम थुलुङ र प्रकाश आङ्दाम्वे क्रमश सन् २०१० र २०११ मा सम्मानित भइसकेका छन् ।
“तपाईहरूको माया मात्र भए पुग्छ, मलाई नगद रकमको कुनै आवश्यकता छैन,” भन्दै राईले आफूले पाएको १६ हजार रूपैयाँ सृजनशील कामका लागि झकास समूहलाई नै फिर्ता गरेका थिए ।
